Books

Excerpt from the book “Why”

  • Ç’është jeta për ty? – e pyeta.
    -Flluska sapuni, – m’u përgjigj.
    -Po vdekja?
    -Shpërblimi i jetës!
    -Ç’është bota?
    -Një pikë helm në hapësirë!
    -Ç’është me e kuptuar në Botë?
    -Vdekja?
    -Cila është kafsha më e egër?
    -Njeriu!
    -Po më e butë?
    -Ajo që s’ka lindur!
    -Cili njeri ju duket më i poshtër?
    -Ai që ndryshon veten me një emër të huaj dhe ai që punon aq mizorisht sa që nuk kujton as vdekjen!
    -Ç’është budallallëku?
    -Të duash një gjë që s’e ke dhe të kujtosh se je ai që s’je!
    -Po puna më e mençme?
    -Te gëzosh të tanishmen!
    -Ç’është më e afërme?
    -Vdekja!
    -Po më e largët?
    -Zemra ime me tënden dhe fillimi e fundi i hiçit.
    -Çfarë është e pavdekur?
    -Hapësira!
    -Çfarë është më e bukur?
    -Fantazia!
    -Po më e shëmtuar?
    -Sëmundja!
    -Më e hidhur?
    -Jeta!
    -Më e ëmbël?
    -Hiçi!
    -Ç’gjë e është më e madhe?
    -Libri i Botës!
    -Po më e rëndë?
    -Fjala!
    -Më e pamundur? – Këtu u mendua pak, sikur donte të çlodhej. më shikoi një copë herë në fytyrë si me habi e pastaj duke m’i shtrënguar të dy duart, më tha me butësi:
    -Edhe në të pyetur duhet mjeshtëri! Çfarë pyetët tani?
    -Çfarë gjë ju duket tani dhe do t’ju dukej mbas disa mijë vjetëve – sikur të jetonit – si e pamundur?
    -Të ndryshosh veten dhe formën, dmth jam unë të bëhem ti, dhe jam njeri dhe të bëhem pëllumb!
    -Kur shpërblehet njeriu?
    -Kur e kujton veten të lumtur!
    -Çfarë gjë ju duket më e mërzitur?
    -Çdo send është më i mërzitur se njeri tjetër!
    -Çfarë gjë ju duket më e vështirë?
    -Të jesh njeri!
    -Po më e lehtë?
    -Të krijosh krijesë njerëzore!
    -Cili është ngushëllimi i të pasurit?
    -Pesha e qeses!
    -Po i të vobektit?
    -E ardhmja!
    -Nuk ju kuptoj, – i thashë për së dyti.
    -Vdekja! -mu përgjigj serioz
    -Po ç’përmban jeta e njeriut?
    -Vetëm dyshime!….

Nese të pelqeu pjesa e shkeputur librin mund t’a lexoni online falas ketu -> https://booksinsta.com/sterjo-spasse-why/

Related Articles

Back to top button